Mor beg ajani ana dokken ghuri kingkiring-kangkarang raw tuli vange gel mobile o raw suni. Shit! salar mobile un number one jagulukbaj! Twbot bujse ahttan hono mte mobile un adot ninei ans buttom o click garlo.....
"O, gabujje, ejo ghum jor nahee?"- ekku hub hub dhol mile raw baji elo. R mw madhabut jane electric mugor lagilo....."ei singapurot miler dhol raw!" iyan swaban nahee pottam? Mw mugottun raw nw nigililo. Ghumo pudung padang iyan he ajang-bajang harbar! Madhabu jari marilung r hono reply di nw parlung.
"O, Sharashij ah hee uottor nw duj? mui tw buji!"- r o ekbar madhi udilo nw dikke miler dhol golabu. "Huri pele ossoi nahee?"
Hut gurine raw bu sini parlung, Shuba buji. Pluto da mokku. Ek matra chakma family ei singapurot. R jimidot beg manat puri gelogoi. Shit!
Maj mulo agende ama Hagarachurittun ekku osukke isse, te Mount Elizabeth Hospital ottun sikitsa lar. Ami edu beg chakma un ek bar ek bar guri tare hospatalot sanget digoi. Isse mw pala. Gelle hille Sugam da ( R ekjon chakma PR in Singapor, hub ghom manuj. Pore ligim tare ninei) poi poi ghuri hoi diye isse mw pala. Mui o phone guri huiyonge Laskmi hakkire (rogibu nang), jem. R mui beg huri pele nag dagi dagi purung purung ghum jangor! Nijore hub unresponsible manuj lagilo.
" O, buji mui ejongor!" mw mugottun hono rkm nigililo.
Buji ekkana ajilo, lei dena aji."Ami ekkunu r-o-na dibong, tui jadimadi Boon Lay ei jagoi."
Er por mui jikke ghuri bissonotun udilung, dat majilung, gadilung, jokkolelung siyan honar mtn noi. Mne oiyede, bangal uni chakma haba etton, samay nei, dami janissani ninei daba du!
Edok jadimadi gurlung jw mui 10mini deri oiyung. Buji dagiloi BoonLay MRT station ot lagot papi, ei vidire tara mre r o di palla call diyon.
"Gabujje manuj, dibe mileloi bera lamer, sene sajode deri oiyusse nahee Sharashij?" mre digenei buji ei hodagan holo, mui tarare ekku laj piye aji gift gurlung.
Laskmi hakki judio ek majottun bej olo singapurot, kintuk isse tarloi-mor pattam degadegi. Fut-futte hiye rong, ekkana pokta r nrm srm hodabatta sunine mne nw hoide ta bugo vidire hono rog age, hono dug age. Cancer loneloi tin hajar mel uri esse! Top r skirt, madhat habang banne. hitte habang banne pore jannunge, te ta rokkanotte therapy lor r se side effect olde chul ani uduri jarloi. Sene Shuba buji nije napit oinei ta hullo more diye.
Ja ok tinjone miline haspatal, sittun ham sarine Cityhall, Peninshula Plazat gelong, Burmese doganot Burmese tonnoi peda ting ting guri vat helong.
R Boon Lay shopping center ot jene teng pire oi song berelong. Sajunne madhan jekke Shuba buji dagi garat lumilongoi, sekke r dare tebar bol nei. Mui direct bissonot. Hakki ta rumot jelo, r buji mw hanot chupe chupe holo, "Rogi guri-o je e edok bajar bere parei, gom tedo he gurlun hijeni!"
Mui r he hom, ajejte hilleo mor ta loge hospital ja puribo r buji nw jebo. Ek dine mui hakki loi bajar berene kahil, ajette hiller sidei mugottun raw nw nigililu. Ekku mra aji dilung.
Mw aji dene bujio ekkana ajilo r holode, "Wish u best luck for tomorrow!"
Ei Laskmi hakki operation sej ghurine dejot firi jiyegoi. Mui mne prane chang ta breast cancer un gom ok. Ta sugor jinhani r o sugot vajok.
O tar ekkan hoda mor hub manat porei. Mor tare sange denar ditiyo dinne, herapir por mwre juro juro, "bujile sharashij, therapy sej ole mr bana yera baji hebar porane hoide!" Ta golabut hitte jani dosi dosi vab, mne hoide tar ei porane magana un ekkan oporad r se oporad un ninei te hub lajai!
No comments:
Post a Comment